Bakı şəhəri və digər bölgələrin ərazilərində marketlərə qanunsuz yollarla daxil olaraq orada quraşdırılan müxtəlif şirkətlərə məxsus ödəniş terminallarını talayan şəxs tutulub. Bu haqda BakuPlus.az Daxili İşlər Nazirliyinin (DİN) mətbuat xidmətinə istinadən bu gün, 30 noyabr tarixində məlumat verir.
Polis əməkdaşları tərəfindən aparılan tədbirlər nəticəsində son bir neçə ay ərzində 25-ə yaxın mağazada quraşdırılan ödəmə terminallarını sındırmaqla orada olan maddi vəsaitləri oğurlayan əvvəllər məhkum olunmuş Qəzənfər Babayev istintaqa cəlb olunub.
Araşdırma zamanı onun paytaxtın Binəqədi, Pirallahı rayonları, həmçinin Abşeron rayonu, Sumqayıt şəhəri, eləcə də Tovuz və İsmayıllı rayonlarında quraşdırılan ödəmə terminallarından oğurluq etdiyi məlum olub. Babayev barəsində məhkəmənin qərarı ilə həbs qətimkan tədbiri seçilib, istintaq-əməliyyat tədbirləri davam etdirilir.
[URIS id=81106]
