Bakının Azadlıq prospektində sərnişin avtobusunun sürücüsü nəqliyyat vasitəsini qapısı açıq, sərnişinləri ön və arxa qapılardan asılı vəziyyətdə idarə edib. Bu haqda bu gün, 28 oktyabr tarixində Bakuplus.az Xəzər Xəbər-ə istinadən məlumat verir.
Videoda bu avtobusun 165 saylı marşrut xəttinə aid olduğu görünür.
Həmin avtobusun sürücüsü bildirib ki, o gün uzun müddət tıxacda qalıb. Ona görə də qarşıdakı dayanacaqlarda izdiham yaranıb.
Göstərilən xəttin avtodəstə rəisi Tağı Məmmədov bildirib ki, belə hallara yol verməmək üçün mütəmadi olaraq sürücülərə göstərişlər verilir. Bu tələbi pozanlar qanunla cəzalandırılır.
O, həmçinin bildirib ki, belə hallar təkrarlanarsa, sürücü işdən çıxarıla bilər.
