Bakıda 31 taksi sürücüsü polis tərəfindən tutulub. Bu haqda bu gün, 22 noyabr tarixində Bakuplus.az Daxili İşlər Nazirliyinə istinadən xəbər verir.
Keçirilən əməliyyat zamanı saxlanılan sürücülər arasında 1 nəfər narkotik alveri ilə məşğul olub, 1 nəfər oğurluq edib, digər 29 nəfər isə qadınlara qeyri-etik təkliflər edib.
Bundan əlavə, saxlanılan taksi sürücülərindən birinin müxtəlif adlar altında 44 Facebook profili, 6 Facebook səhifəsi, 4 TikTok hesabı və 12 Instagram profilinin olduğu məlum olub.
Onlar barəsində hazırda araşdırma aparılır.
