Mayın 17-də Bakının Nəsimi rayonu, Kövkəb Səfərəliyeva küçəsində baş vermiş yol qəzasında xəsarət alan qadın vəfat edib. Bu haqda bu gün, 7 iyul tarixində Bakuplus.az Qafqazinfo-ya istinadən məlumat verir.
“Toyota Prius” markalı avtomobili idarə edən Elmin Əsgərov arxa-arxaya hərəkət edərkən yolu keçən Yevgeniya Bespalovanı vurub. Qadın ağır kəllə-beyin travması ilə koma vəziyyətində “Yeni Klinika”ya aparılıb. Həkimlərin səylərinə baxmayaraq, o, ötən gün vəfat edib.
Yevgeniya Bespalova mədəniyyət sahəsində fəaliyyət göstərirdi.
