Dövlət Təhlükəsizlik Xidməti (DTX) İran xüsusi xidmət orqanlarının yaratdığı casus şəbəkəni ifşa edib. Bu haqda bu gün, 14 noyabr tarixində Bakuplus.az adıçəkilən xitmətə istinadən xəbər verir.
Keçirilən əməliyyat zamanı Xəzər Dəniz Neft Donanmasında gəmi kapitanı vəzifəsində işləyən Zahir Əsgərov, eləcə də Azərbaycan vətəndaşları olan Elnur Rəsulov, onun qohumu Arif Rəsulov, Bəxtiyar Ağazadə və Mirhafiz Cəfərzadə dövlətə xəyanət etdiklərinə görə saxlanılıblar.
Onlar Bakı və regionlarda dövlət təhlükəsizliyi və müdafiə qabiliyyətinə zərər verəcək məlumatları toplayaraq İran tərəfinə göndərirdilər.
Belə ki, toplanan məlumatlar aşağıdakılardır:
- Xəzər dənizində xarici dövlətlərin fəaliyyət göstərən şirkət və nümayəndəlikləri, Hərbi Dəniz Qüvvələrinin keçirdiyi təlimlərin yeri və vaxtı, neft platformalarına daşınan yüklər barədə məlumatlar;
- Qaradağ rayonunda neft və qaz boru kəmərlərinin keçdiyi ərazilər;
- Hava limanlarında saxlanılan pilotsuz uçuş aparatlarının və müxtəlif hərbi avadanlıqların olduğu sahələr;
- Bakı şəhərində keçirilən “Texnofest” festivalında nümayiş etdirilmiş texnikalar barədə məlumat;
- Paytaxtda və regionlarda yerləşən strateji və hərbi obyektlər, hərbi hissələr, zenit-raket kompleksləri, eləcə də digər radar-nəzarət qurğuları barədə məlumat, foto və video materiallar.
- Xarici dövlətlərin Azərbaycanda fəaliyyət göstərən nümayəndəlikləri, ölkədə baş verən ictimai-siyasi proseslər.
Bundan əlavə, Azərbaycan tərəfinən beynəlxalq axtarışa verilən və İranda gizlənən Tohid İbrahimbəyli, Orxan Məmmədov, Elşad Hacıyev və digərləri tərəfindən idarə olunan “Müzakirələr”, “Elanlar” və digər adlar altında olan bağlı “WhatsApp” qrupları aşkar edilmişdir.
