Yenilənib:
8 dekabr 2022-ci il tarixində saat 07:40 radələrində 6006 saylı Sumqayıt-Xırdalan-Bakı elektrik qatarı Güzdək-Xırdalan mənzilinin 11-ci kilometrində 101 km/saat sürətlə (təyin olunmuş sürət 105 km/saat) hərəkətdə olan zaman dəmir yolu xətlərindən piyadaların keçidi üçün qadağan olunmuş yoldan qəfil keçməyə cəhd etmiş şəxsi vurub.
Vurulan şəxs hadisə yerində dünyasını dəyişib.
Hadisə hüquq mühafizə orqanları tərəfindən aidiyyəti üzrə araşdırılır. İctimaiyyətə əlavə məlumat veriləcək.
09:24 - Sumqayıt-Bakı qatarı adam vurub
Sumqayıt-Bakı elektrik qatarı piyadanı vurub. Bu barədə BakuPlus.az Report-a istinadən bu gün, 8 dekabr tarixində xəbər verir.
Bu gün saat 07:25-də Sumqayıtdan Bakıya gələn Sumqayıt-Xırdalan-Bakı elektrik qatarı təxminən saat 07:40 radələrində Abşeron rayon ərazisində piyadanı vurub.
Hadisə nəticəsində piyada ölüb.
Maşinist hadisə ilə bağlı sərnişinləri məlumatlandıraraq bildirib ki, hadisəyə görə qatarın hərəkəti yubanacaq. Hazırda hadisə baş verən yerdə hüquq-mühafizə orqanlarının əməkdaşları işləyirlər.
