Bu günlərdə TikTok sosial şəbəkəsində özünü polis əməkdaşı kimi təqdim edən kişi ilə qadının xüsusi karantin rejimi ilə bağlı tətbiq edilən qaydaları və bu istiqamətdə həyata keçirilən tədbirləri müzakirə etdiyi video yayılıb. Bu haqda bu gün, 29 oktyabr tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
DİN-in mətbuat xidmətinin əməkdaşı Nurlan Əliyev bildirib ki, müvafiq tədbirlərin görülməsi ilə həmin videonun 2021-ci ildə O.Məmmədov və K.Zöhrabova tərəfindən lentə alındığı müəyyən edilib.
Onlar polis bölməsinə çağırılıblar.
Saxlanılanlarla müvafiq izahedici söhbətlər aparıldıqdan sonra onlar qanunsuz əməllər törətdiklərini etiraf edərək sözügedən görüntüləri sosial media hesablarından silib, istifadə etdikləri xidməti geyimləri təhvil veriblər.
