Tikinti materialları satmaq adı ilə insanları aldadan şəxs tutulub. Bu haqda bu gün, 23 iyun tarixində Bakuplus.az Daxili İşlər Nazirliyinə istinadən xəbər verir.
Quba rayon sakini, əvvəllər məhkum olunmuş Kənan Mirzəliyev bir nəfərə təmir-tikinti materialları satacağını vəd edərək, ondan 6400 AZN alıb. Daha sonra o, əlaqəni kəsərək, pulu mənimsəyib. Bu üsulla onun daha bir neçə nəfərə zərər verdiyi məlum olub.
Şübhəli şəxs saxlanılıb. Onun barəsində araşdırmalar davam edir.
Bu şəxsin əməllərindən zərər çəkən başqa vətəndaşlar varsa, “102" Xidməti-Zəng Mərkəzinə və ya DİN-in sosial şəbəkələrdəki rəsmi səhifələrinə müraciət etmələri xahiş olunur.
