Yardımlıda saxlanılan narkokuryerdə 10 kiloqramdan artıq narkotik vasitə və həblər aşkarlanıb. Bu haqda bu gün, 30 may tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Yardımlı Rayon Polis Şöbəsi əməkdaşlarının Jiy kəndində keçirdikləri əməliyyat tədbirləri nəticəsində “Toyota Prius” markalı avtomobili idarə edən Bakı şəhər sakini, əvvəllər məhkum olunmuş İqbal Aslanov saxlanılıb. Polis əməkdaşları avtomobilə baxış keçirərkən 5 kq-dan artıq heroin, 3,5 kq marixuana, 2 kq metamfetamin və 1000-ə yaxın metadon həbi aşkar ediblər.
İlkin araşdırma zamanı müəyyən edilib ki, Aslanov daha sonra Bakı şəhəri ərazisində müxtəlif ünvanlara çatdırmaq məqsədilə istintaqla müəyyən edilmiş İran vətəndaşından narkotik vasitə alıb. Məhkəmənin qərarı ilə Aslanov barəsində həbs-qətimkan tədbiri seçilib.
Faktla bağlı istintaq davam edir.
[URIS id=101863]
