Aşıq Ələsgərin heykəlinin hazırlanması üçün müsabiqə elan edilib. Bu haqda 24 dekabr tarixində Report məlumat verib.
Bakı şəhərində “Aşıq Ələsgərin 200 illik yubileyinin qeyd edilməsinə dair Tədbirlər Planı” çərçivəsində Aşıq Ələsgərin xatirəsi əbədiləşdiriləcək. Bununla əlaqədər Azərbaycan Mədəniyyət Nazirliyi ucaldılacaq abidənin eskiz-layihələrinin hazırlanması üçün heykəltəraşlar arasında açıq müsabiqə elan edib.
Müsabiqə 23 dekabr 2021-ci il - 15 mart 2022-ci il tarixlərində keçiriləcək. Müsabiqənin qalibi barədə məlumatlar 30 mart 2022-ci il tarixində Mədəniyyət Nazirliyinin rəsmi saytında dərc olunacaq. İkinci və üçüncü yeri tutan müəlliflərə müvafiq olaraq 2000 manat və 1000 manat məbləğində pul mükafatı veriləcək.
