Akademik Milli Dram Teatrında Zəfər Günü münasibətilə tədbir keçiriləcək. Bu haqda Azərtac 3 noyabr tarixində xəbər verib.
44 günlük Vətən müharibəsinin qazilərinin də iştirak edəcəyi tədbirdə “Qarabağnamə” tamaşası nümayiş olunacaq. Tamaşanın rejissoru Xalq artisti Mərahim Fərzəlibəyov, quruluşçu rəssamı İsmayıl Məmmədovdur.
Tamaşadan öncə müharibənin tarixi əhəmiyyəti haqqında çıxışlar və qazilərin düşmənlə mübarizəsindən danışılacaq.
Tamaşada rolları Xalq artistləri Kazım Abdullayev, Firəngiz Mütəllimova, Rafiq Əzimov, Hacı İsmayılov, Ramiz Məlik, Əli Nurzadə, Əməkdar artistlər Məsmə Ağaverdiyeva, Kazım Həsənquliyev, Aslan Şirin, Elxan Quliyev, Elşən Cəbrayılov, Rəşad Bəxtiyarov, Elnar Qarayev aktyorlar İlyas Əhmədov, Elnur Qədirov, Ramin Şıxəliyev, Ləman İmanova, Rada Nəsibova, Cavidan Novruz, Firuzə Balayeva və Fəridə Şahbazova ifa edir.
