Yanvarın 25-də Bakıda, Müslüm Maqomayev adına Azərbaycan Dövlət Akademik Filarmoniyasında “Gənclərə dəstək” layihəsi çərçivəsində “Milli musiqi alətlərimiz - milli sərvətimizdir” adlı konsert keçiriləcək.
Gecədə bədii rəhbər və baş dirijor, Xalq Artisti Ağaverdi Paşayev və dirijor - Əməkdar Artist İlahə Hüseynovanın rəhbərliyi ilə Azərbaycan Dövlət Xalq Çalğı Alətləri Orkestri çıxış edəcək.
Konsertdə Azərbaycan Dövlət Uşaq Filarmoniyasının Uşaq və Gənclər Xalq Çalğı Alətləri Orkestrinin solistləri, musiqi məktəblərinin şagirdləri və respublikanın rayonlarından tələbələr iştirak edəcəklər.
Proqramda Azərbaycan və xarici bəstəkarların əsərləri səsləndiriləcək.
Biletləri linkə daxil olaraq onlayn əldə edə bilərsiniz.
