Azərbaycanın ilk inklüziv teatrı olan ƏSA Teatrının “Çıxış yoxdur!” fəlsəfi dramının premyerası olub. Bu haqda APA 11 fevral tarixində xəbər verib.
Akademik Rus Dram Teatrının səhnəsində nümayiş olunan tamaşa məşhur fransız yazıçı Jan-Pol Sartrın 1944-cü ildə yazdığı "Bağlı qapılar arxasında" əsəri əsasında hazırlanıb.
Anşlaqa səbəb olan nümayişdən sonra mədəniyyət nazirinin I müavini Elnur Əliyev, nazirliyin İncəsənət və qeyri-maddi mədəni irs şöbəsinin müdiri Fərəh Acalova, Teatr sektorunun müdiri Könül Cəfərova və baş məsləhətçi Emin Əliyev ƏSA Teatrının kollektivi ilə görüşüblər.
ƏSA Teatrının öz səhnəsi olmadığından, tamaşa nümayişləri ayda bir dəfə Akademik Rus Dram Teatrının səhnəsində həyata keçirilir.
