19-23 noyabr tarixlərində Nizami Kino Mərkəzində 12-ci Bakı Beynəlxalq Qısa Filmlər Festivalı keçiriləcək.
Tədbirə göndərilən 72 ölkədən 3217 qısametrajlı film arasında 18 ölkədən 30 film beynəlxalq, 26 film isə yerli müsabiqədə mübarizə aparacaq.
Münsiflər heyətində Azərbaycan, Ukrayna, Serbiya və Türkiyədən sənət adamları olacaq.
Festivalda yer alan yerli və xarici qısa filmlər qeyd olunan tarixlərdə hər gün saat 12:00-dan başlayaraq nümayiş olunacaq.
Festivalda ilk dəfə olaraq “Azərbaycan kinosunda xidmətlərinə görə” “Qızıl Nar” mükafatı təqdim ediləcək.
“Ən yaxşı bədii film”, “Ən yaxşı sənədli film”, “Ən yaxşı animasiya filmi”, “Ən yaxşı sosial çarx” nominasiyaları üzrə qaliblərə pul mükafatı veriləcək. Yerli müsabiqənin ümumi mükafat fondu 5 000 AZN-dir.
Qaliblərin mükafatlandırılması mərasimi 23 noyabr tarixi saat 19:00-da keçiriləcək.
