Bakıda Aşıq Ələsgərin anadan olmasının 200 illiyinə həsr olunmuş “Azərbaycan Aşıq Sənəti” adlanan bədii sərgisi bu gün, 24 noyabr taixində açılır. Sərgidə xalq rəssamı Arif Hüseynovun sənət işləri təqdim olunacaq. Bu haqda Xətai Sənət Mərkəzi məlumat paylaşıb.
Sərgi Azərbaycan Respublikası Milli Məclisin Mədəniyyət komitəsi, Azərbaycan Respublikası Mədəniyyət Nazirliyi, Azərbaycan Rəssamlar İttifaqı və Bakı Xətai Sənət Mərkəzinin təşkilatçılığı ilə keçirilir.
Açılış mərasimi saat 16:00-da baş tutacaq.
Giriş sərbəstdir.
Ünvan: Xocalı prospeki,62.
Aşıq Ələsgər 1821-ci ildə Göyçə mahalının Ağkilsə kəndində anadan olub.
O, Azərbaycan xalq şeirinin ən böyük nümayəndələrindən biri, ustad bir sənətkar kimi məşhurlaşmışdır. Aşığın heç bir xüsusi təhsili olmamışdır. O, sənəti el sənətkarlarının və ağsaqqallarının yanında öyrənmişdi.
Aşıq Ələsgər 7 mart 1926-cı ildə Ağkilsədə vəfat etmiş, kəndin qəbiristanlığında dəfn olmuşdur. 7 may 2019-cu ildə Aşıq Ələsgər Azərbaycanda əsərləri dövlət varidatı elan edilən müəlliflərin siyahısına daxil edilmişdir.
