Bakıda "Hər birimiz bir çiçək" adlı tədbir keçirilib. Bu haqda Azərtac bu gün, 25 fevral tarixində xəbər verib.
Abdulla Şaiqin Mənzil-Muzeyində keçirilən tədbir Azərbaycan ədəbiyyatının klassiki, görkəmli maarifçi və ictimai xadimi Abdulla Şaiqin doğum gününə həsr olunub.
Tədbirdə Abdulla Şaiq adına 54 nömrəli tam orta məktəbin direktor müavini Təranə Seyidova, ədəbiyyat müəllimi Rəfiqə Hüseynova, Abdulla Şaiq adına kitabxananın müdiri Yəmən Əmirova, Abdulla Şaiqin Mənzil-Muzeyinin müdiri Ülkər Talıbzadə, muzeyin böyük elmi işçiləri, filologiya üzrə fəlsəfə doktoru Arzu Hacıyeva və Günel Əsədova, muzeyin bələdçisi Arzu Nuralıyeva çıxış ediblər.
Tədbirin bədii hissəsində məktəblilər musiqi əsərləri səsləndiriblər.
Sonda Abdulla Şaiqin doğum gününə həsr edilən slayd nümayiş olunub.
