10-14 yanvar tarixlərində Prezidentin fərdi təqaüdçüsü, Azərbaycan Dövlət Pantomima Teatrının baş rejissoru Bəxtiyar Xanızadənin iştirakı ilə ustad dərsləri keçiriləcək. Bu barədə Mədəniyyət Nazirliyinin mətbuat xidməti məlumat verib.
10-11 yanvar tarixlərində keçiriləcək “Həqiqi hisslərlə yaşamaq azdır” adlı təlimdə yalnız aktyorlar, 13 yanvar tarixində keçiriləcək “Şekspirin Hamleti. Hamlet kimdir?” adlı təlimdə yalnız rejissorlar, 14 yanvar tarixində keçiriləcək “Teatr və mən – mən və teatr” adlı təlimdə isə yalnız teatrşünasların iştirakı nəzərdə tutulub.
Təlimlər Azərbaycan Dövlət Pantomima Teatrında saat 11-00-dan 13-00-dək davam edəcəkdir.
Tədbirdə iştirak etmək üçün qeydiyyatdan keçmək mütləqdir.
Müraciət üçün son tarix 5 yanvar 2022-ci ildir.
Bu “Öyrədərək öyrənirəm” adlı ustad dərsləri layihəsinin ilk tədbiridir.
