Noyabrın 5-də Bakıda Azərbaycanla Türkiyə arasındakı əbədi qardaşlığa və dostluğa həsr edilmiş “Bərabər yürüdük biz bu yollarda” kitabının təqdimat mərasimi keçiriləcək. Bu haqda Azərtac 4 noyabr tarixində xəbər verib.
Tədbir Beynəlxalq Türk Mədəniyyəti və İrsi Fondunda keçiriləcək.
Kitabda İlham Əliyev və Rəcəb Tayyib Ərdoğanın iki ölkənin əlaqələrinin yüksək mərhələyə çatmasındakı xidmətləri əks olunub.
Kitab 2003-cü ildən başlayaraq, 2021-ci il iyunun 15-də Azərbaycanın mədəniyyət paytaxtı Şuşa şəhərində “Azərbaycan və Türkiyə arasında müttəfiqlik münasibətləri haqqında Şuşa Bəyannaməsi”nin imzalandığı günədək olan dövrü əhatə edir.
Kitabın ideya müəllifi və nəşrə hazırlayanı Məlahət İbrahimqızı, rəyçilər Necdət Ünüvar, Əhliman Əmiraslanov, redaktoru Öznur Çalıqdır.
Tədbirdə rəsmilər, Azərbaycan Respublikası Milli Məclisin deputatları, beynəlxalq təşkilatların rəhbər və nümayəndələri, tanınmış siyasi və ictimai xadimlər iştirak edəcəklər.
