30 yanvar tarixində Azərbaycan Dövlət Akademik Opera və Balet Teatrında “Bir Xəzər əfsanəsi” adlı baletin premyerası baş tutacaq. Bu haqda bu gün, 24 yanvar tarixində Bakuplus.az APA-ya istinadən məlumat verir.
Tamaşanın libretto müəllifi istedadlı bəstəkar Lalə Cəfərova, quruluşçu baletmeysteri - Azərbaycanın Xalq artisti, “Zirvə”, “Qızıl Dərviş” və “Humay” milli mükafatları laureatı, Azərbaycan Respublikası Prezidenti mükafatçısı Kamilla Hüseynovadır.
Quruluşçu rəssam - Əməkdar mədəniyyət işçisi Tehran Babayevdir. Tamaşanı dirijorların Antal Dorati adına beynəlxalq müsabiqəsinin laureatı Orxan Həşimov idarə edəcək.
Əsas rollarda çıxış edəcəklər: Əməkdar artistlər Anar Mikayılov, Makar Ferştandt, Ayan Eyvazova, Seymur Qədiyev, İslam Məmmədov.
