Bakıda ödənişsiz “A-dan Z-yə kino istehsalı” adlı intensiv kinorejissorluq kursları keçiriləcək. Bu haqda BakuPlus.az Azərtac<-a istinadən bu gün, 22 mart tarixində xəbər verir.
Azərbaycan Kinematoqrafçılar İttifaqı tərəfindən keçirilən layihə aprel, may və iyun aylarını əhatə edəcək.
Nəzəri dərslər Bakıda Mirbala Səlimli tərəfindən keçiriləcək və bədii kino istehsalının bütün mərhələlərini özündə əks etdirəcək.
İştirakçılar real kino çəkilişi prosesində iştirak edərək praktik məşğələləri Şəki şəhərində keçəcəklər.
Layihəyə 24 yaşdan yuxarı ssenari, bədii film, kino yaradıcılığı sahəsində müəyyən baza məlumatlarına sahib, amma rejissura sahəsində geniş biliyə, daha çox nəzəri məlumata, o cümlədən real çəkiliş prosesi təcrübəsinə ehtiyacı olan hər kəs müraciət edə bilər.
Bakıda keçiriləcək dərslərin vaxtı layihəyə seçiləcək iştirakçılarla uyğunlaşdırılaraq müəyyən ediləcək.
Şəki mərhələsinin ödənişləri AKİ tərəfindən qarşılanır.
Sertifikatların təqdim olunma mərasimi 20 iyula qədər baş tutacaq.
