Bakıda “Zəfər günün mübarək” adlı konsert təqdim edilib. Tədbir Mədəniyyət və Təhsil nazirliklərinin dəstəyi ilə baş tutub. Bu haqda 4 noyabr tarixində Azərtac xəbər verib.
Konsert proqramı M.Maqomayev adına Azərbaycan Dövlət Akademik Filarmoniyasının Kamera və Orqan musiqi zalında keçirilib.
"Gənclərə dəstək" layihəsi çərçivəsində keçirilən konsertdə Respublika və beynəlxalq müsabiqələr laureatları, prezident təqaüdçüləri iştirak ediblər. Tədbirdə tanınmış bəstəkarların əsərləri ilə yanaşı, gənc müəlliflərin də əsərləri ifa olunub.
Layihənin hər bir iştirakçısı nazirliklər tərəfindən təşəkkürnaməyə layiq görülüb. Təşəkkürnamələri iştirakçılara Vətən müharibəsinin şəhidi, Azərbaycan Silahlı Qüvvələrinin baş leytenantı Hikmət Səfərovun oğlu təqdim edib.
Bu il “Gənclərə dəstək” layihəsi 5 illiyini qeyd edir. Layihənin əsas məqsədi ölkədə gənc istedadların üzə çıxarılması və dəstəklənməsidir.
[URIS id=12807]
