27-28 noyabr tarixlərində Bakıda ödənişsiz “Cavan Urban Fest” layihəsi həyata keçiriləcək. Proyekt YARAT Müasir İncəsənət Mərkəzində saat 18:00-da başlayacaq.
Tədbirdə rəqs və “Street art” “workshop”ları keçiriləcək. İkinci gündə isə keçirilən “workshop”lar əsasında "All Styles" və "Breakdance" üzrə “Zəfər” müasir rəqs turniri adlı rəqqaslar arasında duellər olacaqdır. Qalibləri mükafatlar gözləyir.
Layihə 14 yaşından böyük və hər iki doza Covid pasportu olan şəxslər üçün nəzərdə tutulub.
Festival çərçivəsində “Urban culture in Karabakh” konsepsiyası hazırlanaraq ictimaiyyətə təqdim olunacaqdır.
İştirak etmək üçün qeydiyyatdan keçmək mütləqdir.
