Bakıda “Jazzery Voices” layihəsi çərçivəsində elmi-yaradıcılıq konfransı keçirilib. Konfrans Üzeyir Hacıbəyli adına Bakı Musiqi Akademiyasının (BMA)100 illiyi münasibətilə akademiyanın binasında baş tutub. Bu haqda Azərtac 3 noyabr tarixində xəbər verib.
Tədbirdə akademiyanın rektoru Xalq artisti, professor Fərhad Bədəlbəyli, sənətşünaslıq üzrə fəlsəfə doktoru Turan Məmmədəliyeva çıxış ediblər.
Konfransda caz ifaçılığı və bəstəçiliyi üzrə fəlsəfə doktoru İrina Ebralidze, musiqişünas, caz tədqiqatçısı Natəvan Hüseynova, sənətşünaslıq üzrə fəlsəfə doktoru, Lalə Rzayeva, sənətşünaslıq üzrə fəlsəfə doktoru Aybəniz Növrəsli, musiqişünas, publisist, aktrisa Fərizə Babayeva, BMA-nın dissertantı Cəmilə Əmirova və sənətşünaslıq üzrə fəlsəfə doktoru, caz tədqiqatçısı Turan Məmmədliyeva müxtəlif mövzularda məruzələrlə çıxış ediblər.
Sonda beynəlxalq caz festivalları laureatı Elbəy Məmmədzadə "İllüstrasiya" adlı kompozisiyanı ifa edib.
Noyabrın 6-da yekunlaşacaq layihə çərçivəsində bir sıra konsertlər, caz vokal ifaçılığı üzrə ustad dərslərinin təşkil olunacağı planlaşdırılır.
[caption id="attachment_12644" align="alignnone" width="896"]
Foto AZƏRTAC-ın saytı[/caption]
