Bu gün Azərbaycan Milli Xalça Muzeyində “Kamil Əliyev: rəssam və dövr” adlı sərgi açılacaq. Tədbir Mədəniyyət Nazirliyi və Azərbaycan Milli Xalça Muzeyinin təşkilatçılığı ilə həyata keçiriləcək.Bu haqda AZƏRTAC xəbər verib.
Noyabrın 21-dək davam edəcək tədbir Xalq rəssamı Kamil Əliyevin 100 illik yubileyinə həsr olunub.
Sərgidə müəllifi Kamil Əliyev olan və Milli Xalça Muzeyinin kolleksiyasında qorunan 18 xalça nümayiş etdiriləcək. Bunlardan savayı sənətkarın ailə arxivindən üç xalça və 5 eskiz də ekspozisiyada yer alacaq.
Portret xalçaçılıqla məşhurlaşan Kamil Əliyevin fərdi sərgiləri ölkəmizlə yanaşı Paris, London, Tokio, Dehli, Ankara, İstanbul, Tehran, Moskva, Kiyev və digər şəhərlərin nüfuzlu muzey və qalereyalarında keçirilmişdir.
