Xalq rəssamı, professor, xalçaçı-rəssam Kamil Əliyevin 100 illik yubileyinə həsr olunmuş ustad dərsi keçirilib. Bu haqda 28 dekabr tarixində Bakı Şəhər Mədəniyyət Baş İdarəsi məlumat verib.
G.Əliyeva adına 3 nömrəli uşaq incəsənət məktəbində dekabrın 28-də rəssam Kamil Əliyevin yubileyinə həsr olunmuş ustad dərsi təşkil olunub. Dərs Azərbaycan Rəssamlar İttifaqının üzvü Seyran Kamilov tərəfindən keçirilib. Rəssam, milli naxış elementlərindən bəhrələnərək dekorativ motivlər yaradıb.
Kamil Əliyevin görkəmli siyasi xadimlərə həsr olunan əl işlərinin fotoşəkilləri ustad dərsi boyunca sərgilənib.
Azərbaycan Respublikasının Prezidenti İlham Əliyev Kamil Əliyevin 100 illik yubileyinin qeyd edilməsi haqqında xüsusi sərəncam imzalayıb.
