Bakıda keçirilən “Canlı klassika” beynəlxalq müsabiqəsinin final mərhələsi keçirilib. Bu haqda BakuPlus.az Azərtac-a istinadən 15 mart tarixində xəbər verir.
Münsiflər heyətinin qiymətləndirməsinə əsasən, Alidə Ramazanova birinci, Səbinə Əhmədova ikinci, Fidan Həsənzadə isə üçüncü yeri tutublar.
Münsiflər heyətini aktyor, Azərbaycanın əməkdar artisti Teymur Rəhimov, pedaqoq-psixoloq Leyla Qurbanova, jurnalist İradə Əsədova, Bakıdakı “Rus Evi”nin əməkdaşı Anastasiya Kurbatova təşkil ediblər.
Bakıdakı “Rus Evi”ndə keçirilən müsabiqəyə bu il ölkə üzrə 150-yə yaxın müraciət qəbul edilib. Onlardan 50 iştirakçı finala keçib.
Layihənin təşkilatçısı “Canlı klassika” Fondudur.
