Noyabrın 22-də Macarıstan səfirliyinin dəstəyi ilə Bakıda “Contempo” qrupunun ifasında caz musiqisi gecəsi baş tutub. Konsert Landmark Rotunda zalında keçirilib.
Tədbir müvafiq olaraq noyabrın 18-i və 25-də qeyd olunan Avropa Uşaqların Müdafiəsi Günü və Qadınlara Qarşı Zorakılığa Qarşı Beynəlxalq Mübarizə Gününə həsr olunub.
Musiqiçilər macar milli motivləri vurğulanmaqla, müxtəlif caz kompozisiyaları ifa ediblər.
Tamaşaçıların gur alqışlarla qarşıladığı Azərbaycan milli mahnısı “Sarı gəlin”in caz versiyası gecənin kulminasiyası olub.
