Bakıda "English Children Theatre 2130"-un "Matilda" tamaşası nümayiş olunacaq. Bu haqda BakuPlus.az bu gün, 1 mart tarixində xəbər verir.
YARAT Teatr Klubu çərçivəsində göstəriləcək tamaşa evdə və məktəbdə bullinqə (qısnama) məruz qalan bir qızcığazdan bəhs edir.
Quruluşun əsas amalı, tamaşaçıya hər bir uşağın şəxsiyyət olduğunu və onun fikir söyləmək hüququ, özünü müdafiə etmək iqtidarında olduğunu çatdırmaqdır.
Tamaşa 3 mart, saat 19:00-da XX-XXI əsrlər Azərbaycan Rəngkarlığı Muzeyinin binasında ingilis dilində nümayiş olunacaq.
Göstəridə iştirak etmək üçün onlayn qeydiyyatdan keçmək mütləqdir.
