Oktyabrın 6-da Bakıda “Nine Senses Fest” beynəlxalq mənəvi və fiziki təcrübələr festivalının təntənəli açılış mərasimi olub. Bu haqda bu gün, 6 oktyabr tarixində Bakuplus.az məlumat verir.
Açılış mərasimi festivalın tərəfdaş məkanlarından biri olan “The Club Port Baku” idman klubunun ərazisində baş tutub.
Azərbaycanda özünüinkişaf və sağlamlıq sahəsində belə miqyaslı tədbir ilk dəfə keçirilir. Festivala Heydər Əliyev Fondunun vitse-prezidenti, “Nine Senses” incəsənət mərkəzinin təsisçisi Leyla Əliyeva dəstək verir.
Bu gün təbdirin hedlaynerləri – İmran Kriya, Nandan Qautam, Anna Vladimirova çıxış edəcəklər.
Bazar günü isə “Sea Breeze Event Hall”da biznes-panel və “Nine Senses”də müxtəlif və maraqlı proqram planlaşdırılır. Axşam konsertləri, tematik yarmarka, rəqs improvizasiyaları keçiriləcək.
