Paytaxtın F.Əmirov adına 6 nömrəli İncəsənət məktəbində Nizami Gəncəvinin 880 illik yubileyinə həsr olunmuş yeni layihə - videoçarxın təqdimatı olub. Bu haqda Mədəniyyət Nazirliyinin mətbuat xidməti məlumat yayıb.
Tədbirdə açılış nitqini məktəbin nəzəriyyə şöbəsinin müəllimi, musiqişünas V.Nəsirova edib. Daha sonra videoçarx nümayiş olunub.
Layihənin rəhbəri məktəbin direktoru A.Yusifova, videoçarxın müəllifi C.Həsənovdur.
Məktəbin fortepiano şöbəsinin müəllimləri S.Quliyeva, S.Ağabalayeva, N.Bayramova, A.Əliyeva, A.Gülməmmədova, S.Cəfərzadə, A.Dadaşova, Ə.Nəbizadənin ifasında Qara Qarayevin “Yeddi gözəl” baletindən “Döyüşçülər rəqsi”, “Sənətkarların rəqsi”, “Hind gözəli”, “Slavyan gözəli”, “Çin gözəli”, “Gözəllər gözəli”, “Xarəzm gözəli” və “Məğrib gözəli” kimi əsərlərin ifası qonaqlar tərəfindən maraqla qarşılanıb.
