Milli Xalça Muzeyində Qərbi Azərbaycan xalçaları nümayiş olunur. Bu haqda bu gün, 7 dekabr tarixində Bakuplus.az muzeyə istinadən xəbər verir.
“Qərbi Azərbaycan xalçaları: tarixi naxış yaddaşımız” adlı sərgidə Göyçə, Zəngəzur, Ağbaba, Pəmbək və Loru mahallarına aid rayon və kəndlərdə müxtəlif sənətkarlar tərəfindən toxunan 21 məşhur kompozisiyalı xalça və xalça məmulatı nümayiş olunur.
Eksponatlar doğma yurdlarından məcburi deportasiya edilmiş soydaşlarımızın özləri ilə gətirdikləri, əziz, müqəddəs əşya kimi qoruduqları “Qasımuşağı”, “Ləmpə”, “Muğan”, “Qubadlı”, “Gəncə” və s. xalçalarıdır. Həmçinin sərgidə xalça məmulatı xurcun da nümayiş olunur.
Bundan əlavə, xalça sahiblərinin eksponatların tarixi, onların keçdiyi yol barədə danışdıqları videoçarx hazırlanıb.
Sərgi 5 yanvar tarixinə qədər davam edəcək.
[URIS id=122464]
