17 mart tarixində Müslüm Maqomayev adına Dövlət Akademik Filarmoniyasının səhnəsində Qara Qarayev adına Azərbaycan Dövlət Kamera Orkestri konsert proqramı ilə çıxış edəcək. Bu haqda bu gün, 16 mart tarixində Bakuplus.az məlumat verir.
Orkestr bədii rəhbər və baş dirijor - Xalq Artisti Fəxrəddin Kərimovun rəhbərliyi ilə çıxış edəcək. Proqramın solisti beynəlxalq müsabiqələr laureatı, skripka ifaçısı Ümidə Abbasovadır.
Gecədə Luici Boçkerininin “Madriddə gecə musiqisi”, Antonio Vivaldinin “Fəsillər”, Firəngiz Əlizadənin “Rəqs” kompozisiyaları səsləndiriləcək. Bakıda ilk dəfə olaraq Şubertin "Der Teufel als Hydraulicus" uvertürası, Dmitri Şostakoviçin "Prelüd" və skersosu ifa olunacaq.
