Ötən gün Bakıda “Qazax. Qızıl adamın tarixi” filmi təqdim olunub. Bu haqda Azərtac xəbər verib. Qazaxıstanın birinci Prezidenti – Elbası Nursultan Nazarbayevin həyat və fəaliyyətinə həsr olunmuş filmin təqdimatı Nizami kino mərkəzində baş tutub.
Səkkiz hissədən ibarət olan sənədli ekran əsərinin baş rejissoru İqor Lopatonok, müəlliflərindən biri isə tanınmış amerikalı rejissor, üç dəfə Oskar mükafatı laureatı Oliver Stoundur.
Film ilk dəfə bu il iyulun 6-da Nazarbayevin doğum günündə Qazaxıstanda yayımlanıb. Bundan öncə təqdimatı Moskva, Los-Anceles və Romada keçirilən ekran əsəri növbəti dəfə Berlin Film Festivalında nümayiş olunacaq.
Təqdimatda çıxış edən İ.Lopatonok qeyd edib ki, “Bakıdan sonra biz filmi Minskdə “Listopad” kinofestivalına çıxaracağıq. Sonra isə bir neçə ölkədə - Türkiyədə, Birləşmiş Ərəb Əmirliklərində, Çində və Almaniyada auditoriyaya təqdim edəcəyik.”
[caption id="attachment_15225" align="alignnone" width="300"]
Foto AZƏRTAC-ın saytı[/caption]
