Sabah, 12 yavar tarixində paytaxtın Heydər Əliyev Sarayında rəssam Nərgiz Quliyevanın fərdi sərgisi nümayiş olunacaq. Bu haqda bu gün, 11 yanvar tarixində AZƏRTAC məlumat verib.
Sərgi Mədəniyyət Nazirliyi və “Mədəniyyət” kanalının həyata keçirdiyi “Bizi birləşdirən mədəniyyət” layihəsi çərçivəsində keçirilir. Tədbir məşhur mədəniyyət və incəsənət sənətkarlarının iştirakı ilə baş tutacaq.
Nərgiz Quliyeva çoxsaylı Respublika və Beynəlxalq müsabiqələr laureatıdır. O, uşaq və yeniyetmələr üçün rəsm məktəbi Nargiz Art Studio-nun rəhbəridir.
