Rasim İsmayılovun 85 illiyinə həsr olunmuş sərgi açılıb. Sərgi Azərbaycan Dövlət Film Fondunda fəaliyyətə başlayıb. Bu haqda Azərtac 6 dekabr tarixində xəbər verib.
Əməkdar incəsənət xadimi və Dövlət mükafatı laureatı kinorejissorun 85 illiyində həyat və yaradıcılığını əks etdirən nadir fotolar nümayiş olunur.
“Gün keçdi”, “Yeddi oğul istərəm”, “Axırıncı aşırım”, “Nəsimi”, “Dədə Qoqud”, “Babək” və s. filmlərin təsvir rejissorudur. O, eyni zamanda, “Asif, Vasif, Ağasif”, “Şir evdən getdi”, “İşgüzar səfər”, “Sizi dünyalar qədər sevirdim”, “Tələ” və s. bədii filmlərin quruluşçu rejissorudur.
