17 noyabr tarixində Bakıda "Şərq irsi" adlı Beynəlxalq Müasir İncəsənət Sərgisi təşkil ediləcək. Sərgi noyabrın 17-dən dekabrın 1-dək XVII əsrdə inşa edilmiş, orta əsr milli əhəmiyyətli memarlıq abidəsi olan Qasım bəy hamamında keçiriləcək. Bu haqda Azərtac xəbər verib.
Alfons Huqun (Bakı Goethe-Zentrum) kuratorluğu ilə keçirilən "Şərq irsi" sərgisi Əqdəs Bağırzadə (Azərbaycan), Andreas Lanq (Almaniya), Andre Severo (Braziliya), Sabina Şıxlinskaya (Azərbaycan) kimi tanınmış rəssamlar tərəfindən fotoqrafiya, videoart və installyasiya janrlarında hazırlanmış incəsənət əsərlərindən ibarət olacaq.
Xalq arasında "Şirin hamam" kimi tanınan bu məkan, İçərişəhər qalasının Salyan darvazasının yaxınlığında yerləşir.
