“Nizami” Kino Mərkəzində “Sarı gəlin”in sorağında” tammetrajlı sənədli filminin və “western-azerbaijan.az” saytının təqdimatı keçirilib. Bu haqda bu gün, 8 noyabr tarixində Bakuplus.az APA-ya istinadən xəbər verir.
Tədbirdə filmin ssenari müəllifi Füzuli Sabiroğlu çəkiliş prosesindən və ümumi ideyadan danışıb. Çəkilişlər İsmayıllıda, Qərbi Azərbaycanla sərhəd rayonlarında həyata keçirilib.
Maraqlı nüanslardan biri də kinoda Moskvadan götürülmüş və 1930-cu illərə aid arxivin açılmasıdır.
"Sarı gəlin”in sorağında”nın rejissoru Mübariz Nağıyev, operatoru Fahir Səmədoğlu, prodüseri Azərbaycan Kinematoqrafçılar İttifaqının (AKİ) katibi Əli İsa Cabbarov, xətt prodüseri İsmayıl Qasımovdur. Film ingilis və erməni dillərində də göstəriləcək.
Kino və sayt Layihə Azərbaycan Respublikasının Qeyri Hökumət Təşkilatlarına Dövlət Dəstəyi Fondunun dəstəyi ilə “Qərbi Azərbaycan: maddi və mədəni irsimiz” layihəsi çərçivəsində yaradılıb.
