Rəsul Quliyevin “Sonsuz Yarış” əsərləri “Günəş şəhəri” sərgisi çərçivəsində paytaxtın ARTIM incəsənət məkanında təqdim olunur.
Sərginin konsepsiyası yunan mifologiyasındakı “Pandora qutusu” əfsanəsi əsasında qurulub. Bu əfsanəyə görə, Pandoraya qoruması üçün qutu verilir. O, maraqdan bu qutunu açır və bütün pis amilləri dünyaya buraxır. Qutunun içində yalnız ümid qalsa da, buna da manipulyativ aldadıcı gözlənti də deyilir.
Sənətçi süjeti nəzərə alaraq üç nəfərin dənizə, meşəyə və şəhərə ümidlə, həsrətlə baxdığı video çəkdirib. İdman yarışlarından səs yazıları isə öz növbəsində insanlar arasında rəqabəti və həyatın özünün yarış olduğunu simvollaşdırır.
“Günəş Şəhəri” sərgisi ARTIM Layihə Məkanında yanvarın 16-dək davam edəcək.
Sərginin iş saatları: çərşənbə axşamı - bazar, 12:00 - 20:00.
Ünvan: İçərişəhər, Kiçik qala, 5.
