Bakıda Avropa Azərbaycan Məktəbi xeyriyyə konserti təşkil edəcək. Bu haqda BakuPlus.az bu gün 1 mart tarixində xəbər verir.
7 mart, saat 18:30-da baş tutacaq konsert Avropa Azərbaycan Məktəbində keçiriləcək. Musiqili axşamda Faiq Ağayev, Nigar Camal, Hiss və digər məşhurlar iştirak edəcəklər.
Konsertdən əldə olunan məbləğ Uşaq Sığınacağı Reinteqrasiya Mərkəzinin valideyn qayğısından məhrum olan sakinlərinə bağışlanacaq.
Sürprizlərlə dolu proqramda iştirak etmək üçün biletləri onlayn əldə edə bilərsiniz.
Yerlər məhduddur.
COVID-19 pasportu və ya immun sertifikatı olmayan tamaşaçıların konsertə buraxılmasına icazə verilməyəcək və onların biletləri geri qaytarılmayacaq.
