Bakıda Xocalı soyqırımının 30-cu ildönümü ilə əlaqədar “Böyüməyən uşaqlar” kitabının motivləri əsasında səhnələşdirilmiş eyniadlı tamaşa nümayiş olunacaq. Bu haqda Azərtac bu gün, 22 fevral tarixində xəbər verib.
Parlament Jurnalistləri Birliyinin sədri Elşad Eyvazlının əsəri olan tamaşa fevralın 25-də Opera və Balet Teatrında təqdim ediləcək.
Ukrayna Azərbaycanlıları Radasının, Ukrayna Azərbaycanlıları Birləşmiş Diasporunun (UABD) təşəbbüsü, Diasporla İş üzrə Dövlət Komitəsinin dəstəyi və Mədəniyyət Nazirliyinin birgə təşkilatçılığı ilə təqdim ediləcək tamaşa Ukraynanın “Qara kvadrat” improvizasiya teatrı tərəfindən səhnələşdiriləcək.
Layihənin rəhbəri UABD sədri Hikmət Cavadov, ideya müəllifi və koordinatoru UABD sədrinin müavini Murad Cəfərovdur.
