Bakıda Yalçın Rzazadənin xatirəsinə həsr olunmuş konsert proqramı keçirilib. Bu haqda BakuPlus.az Azərtac-a istinadən bu gün, 24 fevral tarixində xəbər verir.
Rəşid Behbudov adına Mahnı Teatrında baş tutan tədbirdə Mədəniyyət Nazirliyinin İncəsənət və qeyri-maddi mədəni irs şöbəsinin müdiri Fərəh Acalova sənətkarın həyat yolu barədə danışıb.
Gecədə piano musiqisi sədaları altında sənətkarın fotolarından ibarət slayd göstərilib.
Musiqili gecə Emin Sabitoğlunun “Bakı, sabahın xeyir” mahnısı ilə başlayıb. Konsert proqramında “Taleyim mənim”, “Gəl barışaq”, “Durnalar”, “Şirin dil”, “Ay Laçın”, “Dədə Qorqud” və sənətkarın digər mahnıları ifa olunub.
Pianoda Xalq artisti Salman Qəmbərov müşayiət edib.
[caption id="attachment_34756" align="alignnone" width="800"]
Foto Azərtac.az saytından[/caption]
