24 dekabr tarixində Bakı Kitab Mərkəzində Fotopoeziya gecəsi keçirilib. Tədbirin aparıcısı əməkdar artist Oleq Əmirbəyov olub.
Tədbirdə Azərbaycan və xarici şairlərin şeirləri səsləndirilib. Şeirlər beynəlxalq müsabiqələr laureatı Vüsal Aydəmirovun ifasında lirik musiqinin müşayiəti ilə oxunub. Gecədə müxtəlif müəlliflərə məxsus olan foto şəkillərdən ibarət video çarx nümayiş olunub.
Dünya klassiklərinin seçilmiş əsərlərini Xalq Artisti Lyudmila Duxovnaya, aktyor Yaroslav Trifonov, şairlər Şahrun Süleymanova, Cavid İmamverdiyev, Səidə Sübhi, Nail Balakişiyeva, Zəhra Bədəlbəyli, Ülviyyə Axundova, Ətiqə Əliyeva, Adilə Əfəndi, Sahib Məmmədov oxuyublar.
Gecənin sonunda İkinci Qarabağ müharibəsi veteranı, opera müğənnisi Atəş Qarayev beynəlxalq müsabiqələr laureatı Səidə Tağızadənin müşayiəti ilə “Azərbaycan” mahnısını ifa edib.
Tədbirin ideyası Bakı Kitab Mərkəzinin nəşr etdiyi 2022-ci il üçün təqvimindən ilhamlanıb. Buraya Maqsud İbrahimbəyov adına Yaradıcılıq Mərkəzinin direktoru Anna İbrahimbəyovanın yaratdığı fotoşəkillər, eləcə də şairə Leyla Bəyimin üç misralı şeirləri daxildir.
[URIS id=21682]
