Bakıda “Təşəkkül və novatorluq” kitabının təqdimatı keçirilib. Bu haqda Azərtac 25 dekabr tarixində xəbər verib.
Təqdimat mərasimi Üzeyir Hacıbəyli adına Bakı Musiqi Akademiyasının Böyük zalında baş tutub.
BMA-nın Orta ixtisas musiqi Məktəb-studiyasının 40 illik yubileyinə həsr olunan tədbirdə Əməkdar müəllim Nərminə Quliyeva, Xalq artisti Ramiz Quliyev, Əməkdar incəsənət xadimi Zümrüd Dadaşzadə çıxış ediblər.
Kitabda məktəb-studiyanın əsasən son 10 il ərzində həyata keçirdiyi tədbirlər haqqında məlumat, həmçinin bu mövzu ətrafında yazılan resenziya və dövrü mətbuatda dərc olunan məqalələr yer alıb.
Tədbirdə Tofiq Quliyevin “Alqış ana yurdumuza” və Musa Mirzəyevin “Təbiət nəğməsi” kimi əsərləri məktəb-studiyanın xoru tərəfindən ifa olunub.
[URIS id=21780]
