Bakıda keçirilən 74-cü Beynəlxalq Astronavtika Konqresi çərçivəsində Heydər Əliyev Mərkəzində tanınmış xalça dizayneri Yan Katın “Rug Art Out of Space” (“Xalça sənəti kosmosdan kənarda”) adlı sərgisinin açılışı olub. Bu haqda bu gün, 4 oktyabr tarixində Bakuplus.az Report-a istinadən məlumat verir.
13 xalçadan ibarət kolleksiya kosmos və müasir incəsənəti birləşdirir. Əsərlərdə qalaktikanın əsrarəngiz gözəllikləri öz əksini tapıb. Müasir əl ilə toxunmuş xalçalar səyahət sevgisini və macəra ruhunu ifadə edir. Kolleksiya Azərbaycanda ilk dəfə təqdim olunur.
Alman dizayner Yan Kat şərq xalçasının klassik elementlərini müasir, minimalist dizaynla birləşdirir. Onun xalçalarının əksəriyyəti Nepalda əl ilə toxunur. Yan Kat orijinal dizaynlarına görə bir sıra nüfuzlu mükafatlar qazanıb.
[caption id="attachment_115398" align="alignnone" width="640"]
Foto Report.az[/caption]
