Bakıda keçiriləcək konsertdə muğam ustadları bir araya gələcək. “Muğam axşamları” layihəsinin 2022-2023-cü il musiqi mövsümü üçün növbəti konserti təqdim olunacaq. Bu haqda APA bu gün, 5 mart tarixində xəbər verib.
Konsertdə BMM-nin solistləri - Əməkdar artist Səbuhi İbayev, xanəndələr Kamilə Nəbiyeva və Ayşən Mehdiyeva “Şur” muğamını təqdim edəcəklər. Xanəndələri BMM-nin solistləri - tarda Rəşad İbrahimov, kamançada Təbriz Yusubov müşayiət edəcəklər.
Musiqi mövsümü ərzində BMM-nin səhnəsində "Şur", "Zabul-Segah", "Çahargah", "Bayatı-Şiraz", "Humayun", "Şüştər", "Şahnaz", "Orta Mahur", "Arazbari", "Osmani", "Heydəri", "Bayatı Qacar", "Mahur hindi", "Qarabağ şikəstəsi", "Xaric segah", "Heyratı", "Mirzəhüseyn segahı", "Kəsmə şikəstə", "Bayatı Kürd" , "Ovşarı", "Dəşti", "Qatar", "Rahab", "Şirvan şikəstəsi" muğamları təqdim olunacaq.
Layihənin rəhbəri BMM-nin direktoru, Xalq artisti Murad Hüseynovdur.
