“Muğam axşamları” layihəsinin uzun fasilədən sonra ilk konserti keçiriləcək. Bu haqda 19 fevral tarixində AZƏRTAC məlumat verib.
Beynəlxalq Muğam Mərkəzinin “Muğam axşamları” layihəsinin 2022-2023-cü illər musiqi mövsümü üçün ilk konsert proqramı təqdim olunub. Layihənin bir özəlliyi də ondadır ki, "Muğam axşamları" konsertləri radio dinləyicilərinə də təqdim olunacaq və hər konsert “Mədəniyyət” kanalında nümayiş olunacaq.
Layihə ərzində səhnədə 24 muğam növü səslənəcək:
"Şur", "Zabul-Segah", "Çahargah", "Bayatı-Şiraz", "Humayun", "Şüştər", "Şahnaz", "Orta Mahur", "Arazbari", "Osmani", "Heydəri", "Bayatı Qacar", "Mahur hindi", "Qarabağ şikəstəsi", "Xaric segah", "Heyratı", "Mirzəhüseyn segahı", "Kəsmə şikəstə", "Bayatı Kürd" , "Ovşarı", "Dəşti", "Qatar", "Rahab", "Şirvan şikəstəsi".
Konsert martın 17-də Beynəlxalq Muğam Mərkəzində təqdim ediləcək.
