Görkəmli Azərbaycan caz bəstəkarı və pianoçusu Vaqif Mustafazadə 1940-cı il martın 16-da Bakıda anadan olub. Bu gün 83 yaşı tamam olacaqdı. Bakuplus.az dahi musiqiçinin qısa və parlaq həyatından maraqlı faktları təqdim edir:
- Musiqiçi 1940-cı il martın 16-da anadan olub, 1979-cu il dekabrın 16-da vəfat edib. Onun həyatında çox şey 16 rəqəmi ilə bağlı olub;
- Anası Zivər Əliyeva dahi Üzeyir Hacıbəyovun ilk tələbələrindən olub. O, balaca Vaqifi muğamla tanış edib;
- Mustafazadə konservatoriyanı bitirməyib. 1-ci kursda istədiyini oynamağa icazə verilmədiyi üçün oranı tərk edib. SSRİ-də o zaman caza şübhə ilə baxılırdı;
- 1966-cı ildə pianoçuya Gürcüstanın Orero ansamblında musiqi rəhbəri işləmək təklifi gəlib. Orada o, Nani Breqvadze və Vaxtanq Kikabidze ilə işləməyə başlayıb;
- Vaqif Mustafazadə caz-muğam adlı Azərbaycan milli cazının banisidir. O, cazı muğamla məharətlə birləşdirib və bu janrı 1969-cu ildə yaradıb. Bunun üçün Tbilisidən Bakıya qayıdıb;
- Respublikanın mədəniyyət naziri Rauf Hacıyev çox istəyirdi ki, beynəlxalq müsabiqələrdə, caz festivallarında Vaqif Gürcüstanı deyil, Azərbaycanı təmsil etsin. Elə həmin il "Bakı. Caz-69" caz festivalı təşkil olunub, və bakılılar sevimli pianoçuya qulaq asırdılar;
- Vaqif Amerika cazını elə ifa edirdi ki, bir dəfə Tbilisidə orada qonaq olan “bluz kralı” B.B.Kinq onu eşidərək tamaşaçı zalından ona qışqırıb: “Cənab Mustafazadə, mən də bizim musiqini sizin ifa etdiyiniz kimi ifa etmək istəyirəm!";
- Vaqif Mustafazadə iki dəfə ailə həyatı qurub. İlk həyat yoldaşı Nərmin adlı qız olub. Qız musiqiçini ilk dəfə universitetdəki konsertdə görüb və ona ilk baxışdan aşiq olub. Onları görkəmli yazıçı Rüstəm İbrahimbəyov tanış edib. Cütlüyün hazırda Fransada yaşayan və işləyən Lalə adlı bir qızı var;
- Nərmin yaradıcı adam deyildi, Vaqifi başa düşmürdü, ona görə onlar tez ayrıldılar. Tbilisidə Vaqif Gürcüstan Filarmoniyasının solisti Elza Bandzeladze ilə tanış oldu. O, sevgilisini Bakıya gətirib. O, artıq qızı Əzizəyə hamilə idi. Tezliklə onlar münasibətləri qanuniləşdirdilər;
- Onun hər iki qızı istedadlı musiqiçi olub;
- Onun son konserti Daşkənddə olub. Tamaşa zamanı o, artıq kütləvi infarkt keçirmişdi. Konserti keçirərək Vaqif Mustafazadə səhnə arxasına keçib, dərhal xəstəxanaya aparılıb və səhər saat 6:00-da dünyasını dəyişib;
- Onun ölümündən sonra Amerikanın Səsinin “Jazz Time” verilişinin aparıcısı Uillis Konover bir saatlıq şousunu Vaqif Mustafazadəyə həsr edib;
- 1962-ci ildə Nikita Xruşov cazı tənqid edərək onu musiqi deyil, kakofoniya adlandırırdı. Sevdiyi yaxşı musiqi nümunəsi kimi Xruşov Ukrayna xalq mahnısı "Ruşniçok"u göstərdi. Cavab olaraq Vaqif Mustafazadə bu mahnıya parafraz yaradıb.
