1919-cu il fevralın 7-də Azərbaycan SSR-in xalq artisti, Azərbaycan kino sənətinin tarixinə və inkişafına xüsusi töhfə verən rejissor Tofiq Tağızadə anadan olub. O, kinoda işlədiyi 40 ilə yaxın müddətdə Azərbaycanın tarixi, mədəniyyəti və məişətinin elementlərini ekranda məharətlə əks etdirib.
Tağızadə ümumilikdə 13 film çəkib, sonuncu 14-sü isə yarımçıq qaldı. Tədqiqatçıların fikrincə, o, 50-ci illərdə lentə alınan cəmi üç filmi - "Görüş", "Uzaq sahillərdə" və "Əsl dost" filmləri ilə Azərbaycan milli kinematoqrafiyasına yeni üslub gətirib.
2019-cu ilin fevral ayında görkəmli kinorejissor, əməkdar incəsənət xadimi, xalq artisti Tofiq Mehtiqulu oğlu Tağızadənin anadan olmasının 100 illiyi tamam olmuşdur.
Azərbaycan Respublikasının Prezidenti İlham Əliyevin sərəncamına əsasən, Mədəniyyət Nazirliyinə Kinematoqrafçılar İttifaqının təklifləri nəzərə alınmaqla, xalq artisti Tofiq Tağızadənin 100 illik yubileyinin keçirilməsi ilə bağlı tədbirlər planını hazırlayıb həyata keçirmək tapşırılmışdır.
