Bu gün Əməkdar artist, müğənni Xəyyam Nisanovun doğum günüdür.
O, 21 oktyabr 1983-cü ildə Bakıda anadan olub.
Musiqiyə maraq Xəyyama atası, Semyon Nisanovdan keçib. Sənətçi 7 saylı musiqi məktəbində nağara aləti və vokal üzrə təhsil alıb.
İlk albomu “Məktəb illəri” olan musiqiçinin mahnıları Rusiyada yaşayan soydaşlarımızın ürəyinə yatır və onlar öz tədbirlərinə Xəyyamı dəvət etməyə başlayırlar.
2002-ci ildə “Bakı payızı” müsabiqəsində tanınmış bəstəkar Vaqif Gərayzadə ilə tanışlığı müğənninin gələcəkdə vizit kartına çevriləcək “İndi bildim” mahnısının ərsəyə gəlməsinə səbəb olur.
Xəyyam Nisanov 2020-ci ildə Azərbaycanın apardığı haqlı Vətən mübarizəsində də öz dəstəyini əsirgəməmiş, bu istiqamətdə kifayət qədər işlər görmüşdür.
O, 2021-ci ildə Əməkdar artist adına layiq görülmüşdür.
