Dövlət Akademik Musiqili Teatrının foyesində “Həyatdan səhnəyə” adlı sərgi nümayiş olunacaq. Bu haqda bu gün, 4 mart tarixində Bakuplus.az Azərtac-a istinadən xəbər verir.
Peşəkar teatrın yaranmasının 149-cu ildönümü münasibətilə hazırlanan layihədə peşəkar rəssamların - Əməkdar rəssamlar İsmayıl Məmmədov və Nabat Səmədovanın, eyni zamanda Validə Ümman və Vusal Rəhimin teatrla bağlı müxtəlif əsərləri, kompozisiyaları, müəllifi olduqları səhnə eskizləri və səhnə geyimləri nümayiş olunacaq.
Sərgi 10 mart tarixindən etibarən teatrın tamaşalarına gələn hər bir şəxs üçün açıq olacaq.
